Beste urte batez berrituko dute txekor jatearen usadioa Baliarrainen. Ohitura duten moduan, maiatzaren lehen egunean bilduko dira baliarraindarrak txekorra herri bazkarian jatera.
Azken 27 urteetan hutsik egin gabe prestatu dute hitzordua, eta 28. edizioa beteko du aurten. Jende andana gerturatzen da urtero-urtero, eta auzolanean antolatzen dute.
Egitarau osoa
Txekor jateaz gain, beste hainbat jarduera ere izango dituzte. Hain zuzen, 12:00etan umeentzako herri kirol jolasak egingo dituzte, eta, bazkariaren aurretik, 13:00etan hasiko dira Attola eta Maltzeta trikitilariak.
Bazkaria 14:00etan hasiko da, eta, ohi bezala, pilotalekuan bilduko dira txekorra dastatzera. Horren ondotik, bazkalondoa girotuko dute atzera Attola eta Maltzeta trikitilariek.