Inoizko parte hartzaile kopuru handiena izan du patata tortilla lehiaketa, eta ikusmin handia sortu du Baliarrainen. Epaileak ere lana tentu handiz egin dute, eta azkenean irabazleak Janire Zubeldia eta Amets Arteaga izan dira. Bigarren postuan, Maxux Olano eta Manez Zubeldia sailkatu dira eta hirugarren postuan, Iker Olano eta Enaitz Artola.
Goizean zehar beste lehiaketa batzuk egin dira Baliarrainen, eta sari banaketa egin dute patata tortilla lehiaketako epaileak bere lana bukatzen ari ziren bitartean. Maratoi eta toka lehiaketak egiten dira, haur zein helduen mailatan. Maratoian, helduetan, emakumezkoetan lehenengoa Irati Bengoetxea izan da eta bigarren Oihane Ortiz de Zarate, eta gizonezkoetan lehenengoa Jon Zubeldia izan da eta bigarrena Julen Bereziartua. Tokari dagokionez, Itxaso Arteaga eta Bartolo Garmendia izan dira irabazleak.