Dabilen herriari, goroldiorik ez lelopean denetariko jarduerak prestatu dituzte Baliarrainen urtearen lehen lauhilekorako. Mota askotako hitzorduak izango dira, besteak beste, inauteriak, hitzaldiak, hainbat libururi buruzko solasaldiak, antzerkiak eta otorduak.
Herriko hainbat taldek elkarlanean osatu dute egitaraua, eta herritarrei elkarbanatzeko eta parte hartzeko gonbidapena ere egin diete. Oraingoz apirilera bitarteko jardueren berri eman badute ere, aurreratu dute maiatzean ere izango direla ekitaldiak, eta beste berrikuntza bat ere iragarri dute: epe laburrean ateak zabalduko dituela herriko ostatuak.