Urtarrilaren batean, urteko lehen egunean, San Juan iturrira joateko ohitura berria sortu dute Baliarrainen. Herritarrak etxetik oinez igoko dira eta bertako iturrira hurbilduko dira. Iturriko urarekin, lehenik, eskuak eta aurpegia garbituko dituzte, eta ondoren, urteberriko lehen ur basokada edango dute.
Botila batean ur berria hartu eta eguerdiko bazkarian mahaian elkarbanatzeko deia ere luzatu dute ohitura berria sustatu nahian dabiltzan herritarrek. «Ura elkarbanatuko dugu mahaian, ura eta naturari errespetua adieraziz; ura edaten dugu ilusio eta bizipoza edanez, urtea animoz hasteko; biziberritu egiten gara, garbitu; esnatu egiten gara, urte berriari ideia eta asmo berriekin ekiten diogu; zalantzak argitzeak, bide berriak hartzea ekar lezake».
Urte berri egunean, beraz, San Juan iturrira oinez gerturatzeko deia luzatu diete baliarraindarrei.
