Baliarraingo gazteek beraien gustuko eguna antolatu zuten atzorako, eta erantzun bikaina izan zuen bai herritarren aldetik, eta baita inguruko herritarrengandik ere. Jende asko elkartu zen bai plazan eta baita pilotalekuan ere.
Garagardo dastaketarekin hasitako egunak, Elektrotxufla izan zuen lagun, eta giro bikaina jarri zuten bertaratuen artean. Garagardo dastaketan izan ziren asko eta askok bertan afaldu zuten. Pilotalekuan prestatu zuten jantokia, eta herritarrek prestatuko afaria, herriko gazteek beraiek zerbitzatu zuten. 220 pertsona elkartu ziren afaltzeko.
Behin afalduta, guztiek plazarako bidea hartu zuten, eta bertan hasi zen festa DJ Nazarekin. Beste gazte askok autobusean egin zuten Baliarrainerako bidea, eta guztiak plazan elkartu ziren.
Gazteei lana egitea tokatu zitzaien, baina gurasoei edota herritarrei ere egokitu zitzaien gazteengatik lanean aritzea, baina baita gozatzea ere.