Euskaraldiaren 3. edizioa bertan dela kontuan hartuta, Baliarrainen, azaroaren 18tik abenduaren 2ra, Hikaldia egingo dute. Hamar egunez eta 24 orduz hika biziberritzea eta noka ez galtzea jarri dituzte helburu artean.
Euskararen erregistro informala ikasi eta praktikatzeko aukera eskainiko diete, ordea, herritarrei. Horretarako, Hikastaroa antolatu dute. Sei orduko ikastaroa izango da, lau egunetan, eta urria amaieran hastea aurreikusten dute.
Urriak 27, azaroak 3, azaroak 10 eta azaroak 17 ostegunak izango dira egunak. Ordubete inguruko saioak izango dira 18:00etan hasita, liburutegian.
Informazio gehiago nahi duenak, ostiralean izango du aukera, eta 17:00etatik 19:00etara mahaia jarriko dute plazan. Eta jada izena eman nahi duenak bi telefono zenbaki ditu eskura: 669 712 740 (Amets) edo 669 025 330 (Josu).