Goizaldean izan da istripua, Baliarraingo GI-3851 errepidean. Eusko Jaurlaritzako Segurtasun Sailak jakitera eman duenez, 01:00 aldera gertatu da ezbeharra. Autoa errepidetik irten da eta hainbat bira eman ondoren irauli egin da.
Larrialdi zerbitzuetako langileak abisua jaso eta berehala bertaratu dira ezbeharra gertatu den tokira, bertan artatu dute baina minutu gutxira hil da, lesio larriak zituelako. Ikaztegietako gizonezkoak 74 urte zituen. Ertzaintza gertatutakoa ikertzen ari da.