Pandemiaren eraginez, Baliarrainen ere hainbat ohitura alde batera utzi behar izan dituzte bi urtez. Horietako bat Maiatzeren Lehenean antolatzen ohi duten txekor jatea izan da, baina aurtengoan ez du hutsik egin. Izan ere, bezperatik erretzen jarritako txekorra prest zegoen gaur eguerdiko bazkarirako. Herritarrak sukaldari lanak egiten dituzte, eta haiek dira, txandak eginez, txekorra erretzeaz arduratzen direnak. Behin pilotalekua bete ostean, zerbitzari lanak ere egiten dituzte. Guztira 130 lagun inguru bildu dira gaurkoan, eta herritarrak ez ezik, inguruko herrietako jendea ere animatu dela esan dute bertakoek. Bi urteren ostean “gogokin” zeudela eta gaurko eguna “oso gustora” hartu dutela aipatu dute.
Maiatzaren Lehena baliatu ohi dute Baliarrainen txekor jatea egiteko, eta bi urteko etenaldiaren ostean, ohiko ohiturari berriro eutsi diote herritarrek.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!