Badakite herri txikia direla baliarraindarrek, baina «harro» daude. Uda bitarteko kultur eskaintza prestatu dute Txikia bai, baina exkaxa ez lelopean.
Tere Irastorzaren poemekin eman zioten hasiera pasa den astean, eta hurrengo hitzordua emakumeek izango dute, igandean. Hileko azken ostiralean, bertso afaria egingo dute Zartagi jatetxean, Oihana Iguaran eta Andoni Egaña bertsolariekin. Afarirako txartelak Zartagin bertan erosi daitezke. Apirilaren 24an, berriz, Jose Migel Barandiaranen bizitzaren inguruko hitzaldia izango da.
TXEKOR JATEA, ALDATUTA
Egunez aldatu dute Baliarrainen klasikoa den txekor jatea. Apirilaren 26an izango da aurten. Aurretik, antzerkia ikusteko aukera izango dute. Horrez gain, Sexijentziak antzerkia, San Isidro eguneko bazkaria edota San Joan sua egingo dituzte.
Bi bisita jasoko dituzte, Nomad Studio eta Gure Zirkuarenak: erretratuak ateratzeko aukera eskainiko diete herritarrei, eta zirkuaren magiak hartuko du herria hamabi egunez.
'TXIKIA BAI, BAINA EXKAXA EZ' EGITARAUA
Martxoak 8, igandea
14:00.Herriko emakumeen bazkaria Zartagi jatetxean.
Martxoak 27, ostirala
Oihana Iguaran eta Andoni Egaña bertsolariekin afaria, Zartagi jatetxean (txartelak Zartagin).
Apirilak 24, ostirala
19:00.Jose Migel Barandiaranen bizitzaren inguruko hitzaldia, eta baita, Baliarrain herriarekin izan zuen harremanaren inguruan, Jon Aizpurua ataundarrari esker. Balioanitz gelan.
Apirilak 26, igandea
12:00.Antzerkia Jentilbaratz elkartearen eskutik. Belaunaldiz belaunaldi aiton-amonek sutondoan kontatzen zituzten ipuinak.
14:00. Txekor jatea.
Maiatzak 15, ostirala
19:00.Pituxa artistarekin Sexijentziakantzezlana herritar guztientzat, Balioanitz gelan.
Maiatzak 16, larunbata
14:00.San Isidroko bazkaria, Zartagi jatetxean (sarrerak Zartagin).
Ekainak 6-8
Nomad Studio. Bisitariak izango dira herrian erretratuak ateratzeko (doan). Argazkiak herriko artxiboan jasoko dira.
Ekainak 23, asteartea
San Joan sua. Urtero bezala, festa komisioak antolatuta.
Uztailak 22 - abuztuak 2
Gure Zirkuak denboraldi berriko egonaldia egingo du.