Urteko Herri Batzarra egingo dute, larunbatean, Baliarrainen

Larunbatean 11:00etan elkartuko dira udaletxean, eta gai ordena zabala dute herritarrekin konpartitzeko.

Baliarraingo Udalak herritarren parte hartzea bultzatuz, herritarrekin batera egin nahi du herria, eta herritarrek informazioa izan dezaten Urteko Herri Batzarra deitu du larunbaterako.

11:00etan udaletxean elkartuko dira, eta, hasteko, 2019 urteko diru kontuen berri emango dute. Ostean, aurtengorako aurreikusi dutenaren berri jakingo dute herritarrek. Bestetik, azken hiru hilabeteetan parte hartze prozesu bat izan du martxan udalak, eta herritarrengandik jasotakoaren emaitzak emango dituzte ezagutzera. Bukatzeko, aurtengo asmoen berri emango zaie bertaratzen diren herritarrei.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!