Inoizko gaurik beltzena

Baliarrainen Gau Beltza izan dugu bart, lehen aldiz. Beltz-beltza izan zen gaua; oso. Iluntasunak argitasunari irabazi zion, nahiz eta izarrik ikusteko aukerarik ez izan.

Euriak ez zuen nahi izan traturik. Gaztaina jatean elkartu ziren herritarrak mozorrotuta, eta beraien beldurrak paperean idatzi eta erre ostean, etxez etxe abiatu ziren puska biltzera. Euria goitik behera, eta janaria etxeetatik furgonetara. 20 etxe pasa ostean, elkarteko goxotasuna. Janari eta edari ugari mahai gainean, eta mozorroaren jolasa giroan.

Beldur ibilbidearekin eman zitzaion amaiera, haur, gazte eta heldu. Jendeak susto giro hori gorputzean sentituz, amaiera polita eman zitzaion gauari. Mozorroa, iluntasuna, sustoa, beldurrei elkarrekin aurre egiteko nahia, jana eta edana (gozokiak barne)... osagai garrantzitsuak dituen festa, herri giroa elikatzen dutena.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!