Amezketako herriak esku zabalik hartu zuen ATARIA irratia. Lehenik eta behin, Pello Zabalak izan zuen Amezketaz dituen oroitzapenez eta eguraldiaz hitz egiteko aukera. Jarraian, Iñaki Amundarain herriko alkateak hitz egin zuen egiten ari diren lanaz. Alkateak bukatzerako, fin-fin agertu ziren Zumadi eskolako ikasleak ere. Mailaz maila, abestiak, ipuinak, txisteak, gertaerak, iritzi artikuluak,... denetarik eskaini zuten.
Eskolako ikasle askok Fernando Amezketarra izan zuten hizketa gai, eta hauek erreleboa Yolanda Gorostidi zinegotziari eta Joxe Mari Otermin herritarrari pasa zioten Fernandoren urteaz gehiago sakontzeko. Bixente Gorostidi bertsolariak hiru bertso botatzeko aukera izan zuen, Imanol Artola kolaboratzaileak bere Benito Lertxundiren gaineko tesiaz hitz egin zuen. Maite Gurrutxaga ilustratzaileak Amezketa sorkuntzarako leku paregabea dela adierazi zuen. Xalton Zabala pilota eskolaz aritu zen, eta Joxean Tolosa pilotari ohia eta Ekaitz Saralegi pilotaria gaurko eta lehengo pilotaz eta pilotariez. Jokin Artolak eta Iker Karrerak, besteak beste, mendiaz hitz egin zuten.