Urriaren 31n Gomez de Segura upategira irteera antolatu du Asteasuko Udalak. Izena emateko, goizez udaletxera deitu beharko da, eta arratsaldez, kultur etxera. Horretarako azken eguna urriaren 26a izango da. Lehentasuna Asteasun erroldatutakoek izango dute.
Irteeraren prezioa 55 eurokoa izango da. Pausoz Pauso paseoetako parte-hartzaileei eta txartela osatuta dutenei 20 euroko deskontua egingo zaie.
Asteasuko autobus geltokitik 09:30ean aterako dira, eta aurrena Guardiara joango dira bisitan. Ondoren, upategia bisitatuko dute, eta bertan bazkalduko dute.