Hirugarren aldiz Gazte Eguna egingo dute Asteasun. Maiatzaren 9rako antolatu dute egitaraua eta horren barruan antolatzaileek iragarri dute gazte olinpiadak, bazkaria eta bazkalondoan sorpresak izango direla. Iluntze-gau parterako, elektrotxaranga eta DJa izango dira.
Bazkarian paella, postrea eta ogia emango dituzte, eta zortzi euro ordaindu beharko dira pertsonako. Horretarako, eta baita olinpiadetan izena emateko, honako estekan eman beharko da izena. Epea maiatzaren 3an bukatuko da.
Aurrez apuntatu direnei txartelak maiatzaren 4an banatuko zaizkie plazan. Momentu horretan egin beharko da ordainketa, eskudirutan.
