Elizmendi auzoan egingo da proba, Asteasuko Udalak, Aiztondo KEk eta Danena KEk antolatuta. Hiru mailatan parte hartuko dute gaztetxoek mendi bizikletarekin; txirrindulariak 2012 eta 2017 artean jaiotakoak izango dira.
15:00etan hasiko dira benjamin neskak, minutu bat beranduago aterako dira mutilak eta guztira hiru itzuli motz egingo dituzte. 15:20ean izango da alebin nesken txanda eta 15:40ean alebin mutilena; hiru itzuli ertain egingo dituzte. 16:00etan infantil neskak aterako dira eta 16:25ean infantil mutilak; horiek hiru itzuli luze egingo dituzte. Izen-ematea txirrindulari eskolen bitartez egiten ari dira.