Igor Duñabeitia Euskal Herriko Herri Kirol Federazioko presidenteak iganderako dena prest dagoela iragarri zuen atzo Asteasun. Alboan, Larraitz Alkorta Asteasuko alkatea zuen, eta berarentzat esker oneko hitzak izan zituen Duñabeitiak.
Harri handien lehian Jokin Eizmendi, Sergio Mielgo eta Gari Garmendia ariko dira. Marka handia egiteko asmoz, Estefania Etxebeste joango da. Iturengo harri jasotzaileak Idoia Etxeberriaren markara hurbildu nahi du, eta horretarako 150 kiloko harria jasotzen saiatuko da. Etxeberriak bakarrik gainditu du pisu hori, orain arteko markarik onenarekin, hau da, 163 kilorekin.