Asteasun Herri Baratzeetan libre dauden partzelak eskuratzeko epea zabaldu dute. Azaroaren 28ra arte egin daitezke eskabideak udaletxean edo Asteasu.eus webgunean.
Baldintza batzuk bete beharko dituzte eskatzaileek: Asteasun erroldatuta egotea eta adinez nagusia izatea; udalarekin zergen ordainketan egunean egotea; eta ez izatea beste partzelarik ezta beste zigorrik ere aurretik. Erabiltzaileek 50 euroko fidantza jarri beharko dute eta urteko beste hainbesteko tasa ordaindu baratza erabiltzeagatik.
Herri Baratzak aisialdirako, ikaskuntzarako eta komunitatea sendotzeko guneak direla aipatu du Asteasuko Udalak eta esan du aukera paregabea dela bertan hazitako produktuez gozatzeko, ingurua zaintzeko eta herritarrekin esperientzia partekatzeko.