Julen Lopetegi futbol entrenatzaile asteasuarrak beste lorpen bat bete du bere kirol ibilbidean. Oraingoan, Qatarreko futbol selekzioarekin. Futboleko 2026ko Munduko Txapelketan izango da Qatar, eta lehenengo aldiz sailkapen fase baten bidez izan da. AEB, Kanada eta Mexikon jokatuko da Munduko Txapelketa. Qatarrek 2-1 irabazi zion Arabiar Emirerri Batuetako selekzioari. Hori horrela, Qatar Asiako A Taldeko buru izan da lau punturekin.
Maiatzean izendatu zuten Lopetegi Qatarko futbol selekzioko hautatzaile. 2027 urtera arte sinatu zuen hitzarmena. Sailkapena lortu ondoren, Lopetegik azaldu zuen «zerbait historikoa» lortu dutela, eta «berarengan sinistu» duten guztiei eskertu zien.