Irailaren 11tik 18ra Asteasuko Usarrabi frontoia itxita dago. Udalak erabakia hartu du ikusita pilotalekua ez dela behar bezala zaintzen. «Zaborra ez da jasotzen eta zenbait gauza puskatu eta erre egiten dira». Kirola egin eta elkargune gisa erabiltzeko asteko egun guztietan egoten da frontoia zabalik.
Udalak jakinarazi du erabiltzaile askori frontoia zaindu beharraren garrantziaz ohartarazi zaiela behin baino gehiagotan, baina erabiltzaile horiek ez dutela orain arte jaramonik egin. Pilotalekuaren erabileraren inguruko hausnarketa bultzatu nahi du udalak erabakiarekin. Ostegunera arte itxita egongo da frontoia.