Asteasuko San Pedro festen barruan, herriko belazeetan lagunarteko lehia egin dute herritarrek. Herri kirol proba ezberdinak egin dituzte lau taldetan banatuta.
Lagunarteko herri kirol lehia egin dute asteasuarrek gaur txupinazo aurreko garaian. Lau taldetan banatuta jardun dute eta, txandaka, hainbat kirol probatan aritu dira.
Besteak beste, segan, txingatan, zaku karreran, koskolak biltzen eta korrika aritu dira. Talde gorria izan da denetan azkarrena eta partaideek ardo botilak eraman dituzte opari. Bigarren taldeak, zuriz parte hartu duenak, Patxine tabernan bi lagunentzako hamaiketakoa irabazi du.
Talde argazkia eginez amaitu dute saioa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!