Julen Lopetegi Qatarko futbol hautatzailea da. Gaur argitaratu du albistea Qatarko Futbol Federazioak, eta azaldu du entrenatzaile asteasuarra 2027 arte ariko dela Qatarko selekzioaren buru. Lopetegik Luis Garcia ordezkatu du postuan.
Qatar datorren urteko Munduko Futbol Txapelketarako sailkatze fasean dago, eta Lopetegiren helburua hori berea izango da, Qatar Munduko Txapelketa horretan izatea. Bere debuteko partida ekainaren 5ean izango da, Qatar eta Iran arteko neurketan, Al Sadd Club’s Jassim Bin Hamad estadioan. Bigarrena etxetik kanpo jokatuko dute, Uzbekistanen aurka, ekainaren 10ean.