Gaur Gazte Eguna da Asteasun. Bigarren urtez jarraian herriko gazteak aritu dira gaurko egitaraua antolatzen. Urtean zehar, udalarekin elkarlanean hainbat ekimenetan parte hartzeaz gainera, urtean zehar gazteek hainbat hitzordu antolatzen dituzte herri giroa sustatzeko. Horietako egun bat da gaurkoa.
Eguraldi txarrarengatik plazan egin asmo zituzten jolasak Usarrabi frontoira aldatu dituzte eta bertan egin dituzte haur eta familientzako jolasak. Ekitaldi gehienak aterpean egingo dituztela jakinarazi dute gazteek, besteak beste, bazkaria. Paellak prestatzen aritu dira gazteak goizean goizetik.
Goizaldera arte luzatuko da festa Asteasun:
- Bazkalostean. Bingo musikatua
- 18:30 - 20:30. Zutik elektrotxaranga
- 23:00. Dj Mtralla
