Aurten eguraldia alde izan dute III. Anttine Trail kronoigoeran, eta hala egin dute goizean Iturriotz baserritik Hernioko gurutzeraino. Iaz bezala, Axier Artola amezketarra izan da gizonezkoetan denbora onena egiten, 25.44 markatuz. Aurten, ordea, iaz baino minutu bat eta 21 segundo gehiago behar izan ditu gurutzeraino iristeko. Bigarren korrikalaria izan da Oier Etxeberria, 26.25eko denborarekin, eta hirugarren Aner Arozena izan da, 26.32ko denborarekin.
Emakumezkoetan, berriz, Leire Elola tolosarra izan da irabazlea, 32.36ko denborarekin. Elolak atzetik izan du iazko irabazlea izan zen Ane Iturria bidaniarra (33.23), eta hirugarren postua Yashira Navas tolosarrarentzat izan da (35.19).
Gizonezkoetan, lehen asteasuarra Lander Aizpurua izan da, seigarren sailkatua orokorrean (28.00), eta emakumezkoetan Maialen Otegi, zortzigarren sailkatua orokorrean (38.31).