Asteasuko Udalak, Zizurkilgoak eta Adunakoak, Zizurkilgo Gaztezulorekin eta Gaztematikarekin elkarlanean eski irteera antolatu du Candanchura. Martxoaren 22an izango da eta 9 eta 20 urte arteko gazteek parte hartu ahal izango dute. 25 laguneko autobusa betetzen ez bada, irteera ez da egingo.
Autobusa, forfaita eta irakasleen azalpenengatik 40 euro ordaindu beharko ditu Zizurkilen, Adunan edo Asteasun erroldatuta dagoenak; eta beste herrietan erroldatutakoek, berriz, 65 euro ordaindu beharko dituzte. Materiala alokatzea 18 euro kostako da, baina norberak bere materiala eramateko aukera izango du.
Hiru herrietako udaletxean edota kultur etxean eman dezakete izena otsailaren 20ra arte eta gainerako herrietakoek otsailaren 21etik martxoaren 7ra arteko epea izango dute. Izena ematerakoan NANaren fotokopia, Osakidetzako txartelaren kopia eta sinatutako gurasoen baimena aurkeztu beharko dira. Ordainketa apuntatzerakoan egin beharko da.