Laugarren urtez egingo da mendi bizikletako proba, eta eskola mailako txirrindularientzat izango da, hau da, alebin, benjamin eta infantil mailakoentzat.
Federatuta dauden neska eta mutil txirrindularientzako da proba, eta hainbat klubetako partaideak izaten dira bertan. Hain justu, izen ematea kluben bitartez egiten da. Horrez gain, federatuta ez dauden herriko gaztetxoei ere aukera ematen zaie proban parte hartzeko. Asko badira izena ematen dutenak, beraientzako probak antolatuko dituzte, eta, bestela, federatuekin batera ariko dira. Herriko haurrek, ordu erdi lehenago, 14:30etik aurrera, izango dute aukera izena emateko, eskola txikian.
Elizmendin egingo da proba, zehazki elizaren atzeko zelaietan. Hiru zirkuitu ezberdin izango dira, maila bakoitzarentzako bana, eta hiru itzuli eman beharko dizkiote parte hartzaileek beraiei dagokien zirkuituari.
Aiztondo Kirol Elkarteak, Danena Kirol Elkarteak eta Asteasuko Udalak antolatuta, larunbat honetan Asteasuko MTB Lasterketa egingo da, 15:00etatik hasita.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!