Iazko edizioan bigarren postuan geratu zen Ibai Makazaga izan da aurtengo Santamaña Kros Igoerako irabazlea, 29:04ko denborarekin. Iaz 28:12ko denborarekin zehartu zuen helmuga, baina aurten ibilbideak aldaketa txiki bat izango du, minen egoera dela eta. Horregatik, 250 metro gehiago egingo dituzte korrikalariek. Atzetik izan ditu Axier Artola (29:19) eta Amets Aranberri (29:35).
Emakumezkoetan, berriz, Maria Ordoñez korrikalaria izan da irabazlea bigarrenez jarraian. Izan ere, aurreko urtean baino ia bi minutu beranduago zeharkatu du helmuga; hain justu, 34:37ko denborarekin. Ordoñezen atzetik iritsi dira Ane Iturria (35:36) eta Oihana Zubillaga (36:24).
Herritarren artean ere Santamañako proban parte hartzeko ohitura izaten da, eta aurtengo edizioan ere asteasuar ugari animatu dira. Lehen gizonezko herritarra Beñat Fernandez (31:26) izan da, eta lehen emakumezko herritarra, berriz, Amaia Otegi (43:23).
SAILKAPENAK
Gizonezkoak
- Ibai Makazaga, 29:04
- Axier Artola, 29:19
- Amets Aranberri, 29:35
Emakumezkoak
- Maria Ordoñez, 34:37
- Ane Iturria, 35:36
- Oihana Zubillaga, 36:24
Herritarrak
- Gizonezkoa: Beñat Fernandez, 31:26
- Emakumezkoa: Amaia Otegi, 43:23