Herriko gaztetxoak izan dira protagonista goizen. Futbito txapelketa jokatu dute, eta haur ugarik izena eman duenez, iragarritakoa baino lehenago ekin diote jokatzeari. Giro polita izan da eskolan. Zumba saioa ere egin dute ondoren.
Bitartean, herriko plazan prestaketetan aritu dira goizean zehar. Kuadrillak bazkarirako guztia atontzen aritu dira, eta jakiak prestatzeari ere garaiz ekin diote. Hain justu, paella prestatu dute bazkari legea egiteko. Bazkalostean, Andoni Ollokiegiren emanaldia izango dute giroa alaitzeko, eta iluntzean, 19:30ean, Elektrotxufla elektrotxaranga izango dute plazan. Gauean, 22:30ean, suzko zezena izango dute, eta 23:00etan, erromeria, Gabezin taldearekin.