Asteasuko Udalak hamar herritar omendu zituen aurreko asteazkenean San Isidro, baserritarren egunaren harira. Haien bizitzan lurrarekin izan duten lotura gogora ekarri nahi izan zuten modu horretara eta haiek egindako lana eskertu. Hauek dira omendutako herritarrak: Inaxio Tapia, Karmen Urkola, Lazaro Goenaga, Serafina Uria, Mikaela Kortajarena, Concepcion Larrarte, Benito Otegi, Agustin Arteaga, Teresa Manterola eta Lontxo Urkola.
Giro bikaina izan zen Asteasun San Isidro egun osoan zehar, bereziki herri kiroletan. Eskolako gazte ugarik hartu zuten parte.
