Presazko bilera deitu dute asteartean, maiatzaren 7an, Asteasun. 19:00etan bilduko dira udaletxean Mundu bat Asteasun proiektuaren etorkizunaz erabakitzeko.
Pili Legarra alkateak eta Axi Bablietto teknikariak nabarmendu dute bide «emankorra» izan duela orain arte proiektuak eta gauza asko lortu direla. «Gipuzkoako Foru Aldundiaren diru laguntzari esker sortu zen proiektu hau eta honekin jarraitu ahal izateko berriro egin behar da eskaera». Udalak bere kabuz egin beharrean, erabakiak taldean hartu behar direla adierazi du alkateak. Ahalik eta herritar gehienak bilerara batzeko deia luzatu dute.