Eguraldia alde izan ez badute ere, kronoigoera egin dute goizean Iturriotz baserritik Hernioko gurutzeraino. Axier Artola amezketarra izan da gizonezkoetan denbora onena egiten, 24.23 markatuz. Bigarren korrikalaria oso gertu izan du, iazko irabazle izan zen Hassan Aitchaou izan da, hain zuzen, 24.36 denborarekin. Hirugarren Jokin Tolosa anoetarra izan da, 25.33ko denborarekin.
Iaz bezala, aurten ere emakumezkoetan Ane eta Irene Iturria ahizpa bidaniarrak izan dira azkarrenak. Anek 32.18ko denbora egin du, eta Irenek 33.50. Hirugarren Laiene Gil tolosarra izan da, 35.06ko denborarekin. Lehen hiru sailkatuei, gizonezkoetan zein emakumezkoetan, eman zaizkie sariak, eta baita lehen herritarrei ere. Gizonezkoetan, lehen asteasuarra Urko Arizeta izan da, hamahirugarren sailkatua orokorrean (27.01), eta emakumezkoetan Isabel Dumall, hau ere bosgarrena sailkapen orokorrean (35.56).