Asteasuko hilerriko nitxoen berrikuspena egiten ari da Asteasuko Udala, eta hori dela eta, datozen egunetan hainbat herritarrek gutun ziurtatua jasoko dute etxean, haien familiartekoen gorpuzkiekin zer egin nahi duten galdetuz.
Hiru aukera aurkeztuko zaizkie herritarrei: gorpuzkiak atera eta hezurtegi batean sartzea; emakida beste bost urtez luzatzea; edota hobi arruntean lurperatzea.
Idatzia jaso eta 15 eguneko epean, udal bulegoetan jakinarazi beharko dute erabakia gutuna jaso duten herritarrek.