Tolosaldeko Mankomunitateak hondakinen gaikako bilketari buruzko Eman aurpegia! kanpaina berria burutuko du 28 udalerrietan. Helburua, herritarrek gehiago eta hobeto birziklatzea da eta honetan laguntzeko etxez-etxe birziklatze gidak banatuko dira.
Honi lotuta, gaur, 15:00etatik 19:00etara, Asteasuko herriko plazan informazio puntu bat jarriko da. Euria egingo balu udaletxeko plazara mugituko da. Bertan, hezitzaile bat egongo da herritarrei arreta eskaintzeko, zalantzak argitzeko eta beraiekin birziklatze ohiturei buruz hitz egiteko. Bertaratzen direnek, konpost poltsa bat eraman ahal izango dute opari eta saski zoragarri baten zozketan parte hartzeko aukera ere egongo da.