Siemens Gamesako langileek eta ordezkari sindikalek elkarretaratzea egin dute gaur, Zamudioko egoitzaren aurrean. Bertan esan dute Zamudioko, Mungiako eta Asteasuko lantegietako lanpostu guztiak «arriskuan» daudela. Zehazki CCOO, UGT eta ELA sindikatuek deituta egin dute gaurko elkarretaratzea eta esan dute enpresak emaitza txarrak izan dituenez lanpostuak arriskuan daudela. Horiek horrela, antolatu daitezkeen mobilizazioetan parte hartzeko deia egin dute Asteasuko, Mungiako eta Zamudioko lantegietan egon daitezkeen murrizketei aurre egiteko.
Sindikatuek pasa den astean esan zuten azaroaren 21ean aurkeztuko duela Siemens Gamesak bideragarritasun plana eta kezka azaldu zuten galera handiak pilatzen ari delako. Siemensek Gamesa erosi zuenetik ezegonkortasun handia bizi du enpresak, eta horrek denak langileei eurei ere eragiten die.