Santamañako ermita inguruan herritar ugari gerturatu da gaurkoan. Izan ere, Asteasuko Santamaña auzoko jaiak ari dira ospatzen bertan, eta gaur izango da zertaz gozatu.
Meza nagusiarekin hasi dute gaurko eguna, eta horren ostean toka txapelketari ekin diote. Tokalari ugari aritu dira lehian, eta bi kategoriatan banatu dira; haurrak eta helduak. Parte hartzaile bakoitzak sei tiraldi izan ditu. Txapelketa amaituta, Laja II eta Lutxurdio trikitilariak izan dira eguerdia girotzen.
Festarekin jarraituko dute arratsaldean ere, eta 17:30etan Herriko gazte eta ez hain gazteen harri-tira saioa izango da. Egunarekin amaitzeko, Laja II eta Lutxurdio trikitilarien txanda izango da berriro.