LABen esanetan, enpresak produkzio eta antolaketa arazoak argudiatzen ditu enplegua aldi baterako erregulatzeko espedientea (ABEE) justifikatzeko, lan karga jaitsiera bat dagoela esanez. Sindikatuaren ustez, lan karga jaitsiera hori ez da gertatzen errealitatean, eta onartezintzat jo du sekulako irabaziak dituen enpresa horretan langileen kontura bermatzen jarraitu nahi izatea diru sarrera horiek.
«Gogorarazi behar da Siemens Gamesa Asteasuko lan zentroan langileek borrokaren bidez lortu zutela, duela hilabete gutxi, enpresaren salmentaren aurrean langileen eskubideak eta lanpostuak bermatzen dituen akordioa», azaldu dute. «Oraingoan ere borrokarako prest daude. Ez dute onartuko ABEErik. Ez dute onartuko enpresaren irabaziak langileen kontura bermatzea», gaineratu dute.