Kronoigoera egin dute Iturriotz baserritik Hernioko gurutzeraino, eta euri apur bat egin badu ere, giro egokia zegoen mendian gora korrika egiteko. Hassan Ait Chaou billabonatarra izan da gizonezkoetan denbora onena egiten, 25.14 markatuz. Lesio batetik atera berritan zegoen Ait Chaou, baina beste behin erakutsi du aldapa gora duen gaitasuna. Bigarren, oso gertu, Axier Artola amezketarra izan da, 25.32 eginez. Hirugarren Jokin Tolosa anoetarra izan da, 26.20ko denborarekin.
Emakumezkoetan Ane eta Irene Iturria ahizpa tolosarrak izan dira azkarrenak. Anek 33.16ko denbora egin du, eta Irenek 34.02. Hirugarren Ainhoa Usandizaga oriotarra izan da, oso gertu bigarren postutik, 34.12 egin baitu. Lehen hiru sailkatuei, gizonezkoetan zein emakumezkoetan, eman zaizkie sariak, eta baita lehen herritarrei ere. Gizonezkoetan, lehen asteasuarra Lander Aizpuru izan da, bosgarren sailkatua orokorrean (27.56), eta emakumezkoetan Isabel Dumall, hau ere bosgarrena sailkapen orokorrean (38.31).