Binakako Master Laboral Kutxa txapelketa bere azken txanpan sartzen ari da eta Zarautzen martxoaren 26an jokatuko diren finaletarako asteburu garrantzitsua izango da. Asteasun, igandean 12etan jokatuko den jardunaldian, pilota mistoko elite mailan, lehen ligaxkako azken jardunaldia jokatuko da eta garaileak martxoaren 12an Laudion jokatuko diren finalerdietara sailkatuko dira.
Eliteko pilotariez haratago, pilota mistoko lehen mailako partida ikusteko aukera ere izango da. Pilotarien artean, eskualdeko Itsaso Erasun zizurkildarra izango da lehian.
Asteasuko partidak:
Pilota mistoa, lehen maila: Beitia-Oses vs Etxegarai-Erasun
Pilota mistoa, elite maila: Arrizabalaga-Capellan vs Aldai-Mendizabal
Pilotalekura hurbiltzerik ez dutenentzat, ETB-1ean ikusi ahal izango dira partidak zuzenean.