Batetik, Urrezko Aizkolari Kopa Txapelketarena jokatuko da, eta bertan parte hartuko dute Hodei Ezpeleta, Mikel Larrañaga eta Julen Alberdi Txikia IV.a-k.
Bigarrena Binakako Harri Jasotze Txapelketarena izango da, hiru bikoterekin: Aimar Galarraga eta Paulo Azpiazu, Jon Unanue Goenatxo III.a eta Hodei Iruretagoiena Izeta IV.a, eta Xabier Aranburu Guzta eta Xabat Olaizola. Hirugarrena, Emakumeen Herri Kirol Txapelketa Lau Kiroletan izenekoarena izango da. Txindoki taldean Ainitze Zumeta, Udane Ostolaza, Lierni Osa eta Nerea Arruti ariko dira. Larrun taldean Xanta Sousa, Patricia Martin, Nerea Sorondo eta Maika Ariztegi. Txingak eramaten, harri jasotzen, aizkoran eta ingude altxaketan ariko dira.
Herri kiroletako hiru final jokatuko dira urteko azken egunean, larunbatean, Asteasuko Usarrabi pilotalekuan, 17:00etan hasita.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!