Giro ederra sortu da goizean Asteasuko Azokan. Artisauek postu ugari jarri dituzte plazan, eta frontoia ere postuz beteta egon da. Guztira 40 postu inguru jarri dituzte, eta hurbildu diren guztiek produktuak dastatu eta erosteko aukera izan dute. Jakiak ez ezik, hainbat artisau postu ere izan dira bertan, eta herriko, bailarako zein Euskal Herriko beste hainbat lekuetatik etorritako artisten lanak erosteko aukera ere izan da. Ondoko belardian ere izan da zer ikusi. Izan ere, bertan jarri dute ganadua.
Postuez gain, herriko kalabazen erakusketa ikusteko aukera ere izan da, eta 12:00etan arroz-esne lehiaketaren sari banaketa egin dute. Gosearekin zegoena tripa betetzeko tartea ere izan du. Txekor errearen pintxoak izan dira alde batetik, eta bestetik, taloen postua ere egon da plazan.
Arratsaldean, berriz, 17:00etatik 19:30ak bitarte egongo da azoka. Baina, arratsaldean, dantza gogoz denak, azokaz gain erromeria izango du Asteasuko trikitilarien eskutik.