Aitor Regillaga izan da, hirugarrengoz jarraian, Santamañaraino igotzen azkarrena gizonezkoen artean, 28:25ko denborarekin. Bere atzetik Aritz Garin sailkatu da, 29:01ko denborarekin. Segundo gutxira Raul Gomezek zeharkatu du helmuga hirugarren postua eskuratuz, 29:24ko denborarekin. Emakumezkoei dagokienez, Maria Ordoñez izan da azkarrena Santamañaraino igotzen, 31:30 denborarekin. Ordoñezek Santamañako krosean parte hartzen zuen lehen aldia izan da, gainera. Bigarrena Irati Larrañaga izan da, 34:50eko denborarekin, eta hirugarrena 35:23ko denborarekin Maite Arraiza.
Gizonezkoen artean Santamañara iristen lehen asteasuarra Beñat Fernandez izan da, 31:21eko denborarekin. Emakumezkoen artean berriz, Izarne Mayoz, 42:25eko denborarekin.