Iaz ekindako bideari jarraituz, udaberri-udarako ekitaldi berriak presatu ditu Xiri-Miri kultur taldeak, Asteasuko Udalaren laguntzarekin.
Taldearen helburuetako bat den herriko kultur jarduera sustatzea eta horretaz harago, beste lan ildo batzuk jorratu nahi dituzte. Kultur taldetik aurreratu dutenez, eta udalaren babesarekin, herrian bizi diren beste herrialdeetako herritarrekin hainbat lanketa egiteko asmoa dute.
Horren aurretik, ordea, beste hainbat ekitaldi antolatu dituzte datozen asteetarako eta bertan parte hartzera gonbidatu dituzte herritarrak.
EGITARAUA
- Ekainak 3, ostirala
- 19:00. Asteasuko plazan Fino's Band.
- Ekainak 10, ostirala
- 19:00. Asteasuko udal aretoan, Black Humor Quartet eta New Lautan Quartet.
- Ekainak 12, igandea
- 18:30. Asteasuko kale nagusian, MuGaz taldea.
- Uztailak 8, ostirala
- 22:00. Asteasuko plazan, Zutik umeentzako filma.
- Uztailak 9, larunbata
- 09:00. Asteasuko plazatik abiatutako mendi ibilaldia herriko mugarriak ezagutuz.
- Abuztuak 26, ostirala
- 22:00. Hil kanpaiak filmaren emanaldia Asteasuko plazan.