Asteasuko San Pedro jaien barruan izaten den Kuadrillen Egunaren barruan jende kopurua handia bildu da bazkarian. Aurtengo eguna antolatzeari begira herritar guztiei zabaldutako bilera bat deitu dute. Ekainaren 1ean izango da, 19:00etan, Asteasuko udaletxeko ikus-entzunezko aretoan.
Aurten eta datozen urteetan Kuadrillen Eguna nola antolatu erabakiko dute bertan. "Zenbat lagun behar dira bazkaria prestatu eta zerbitzatzeko? Zer egin dezakegu eguna girotu eta antolatzen ari diren horiei lana errazteko? Nola banatuko ditugu ardurak?". Gai hori guztiei buruz hitz egingo dute eta deialdia luzatu diete herriko kuadrilla guztiei bilerara azal daitezen.