Gipuzkoako Foru Aldundiko Ingurumen eta Obra Hidraulikoetako Departamentuak, Asteasuko Udalarekin elkarlanean, Energia Argitu programaren barruan, energia modu eraginkorrean erabiliz eta erosotasunik galdu gabe energia eta dirua aurrezteko gomendioak ezagutzera emateko tailerra antolatu du, ekainaren 7an, 18:00etan, udaletxean.
Norberak bere etxean ezarri ditzakeen eraginkortasun neurrietarako beharrezko materialak erakutsiko dituzte eta energia aurrezteko balio duten ohitura aldaketak zein diren azalduko dute. Parte hartzen dutenei, Energia-aurrezkiari eta –eraginkortasunari buruzko aholku praktikoen gida banatuko zaie. Gida honetan modu erraz eta ulergarrian azaltzen dira energia aurrezteko eta eraginkorragoak izateko baliagarriak diren hainbat aholku.
Tailer honetan parte hartu nahi duten herritarrek, ekainaren 3a baino lehen izena ematea beharrezkoa da, saioak aurrera egiteko ezinbestekoa baita aldez aurretik ikasleen kopurua ezagutzea. Horretarako, honako bideak erabil daitezke: argitu@gipuzkoa.eus edota 628 532 248 telefono zenbakia. Informazio osagarria: www.argitu.eus helbidean.