Industria-nabe bat hustu behar izan zuten atzo Asteasun, amoniako isuri baten ondorioz. Eusko Jaurlaritzako Segurtasun Sailak jakitera eman duenez, langile guztiak atera behar izan zituzten, baina inor ez zen zauritu.
Ezbeharra 18:20 aldera gertatu zen. Dirudienez, substantziaren depositu bat zulatu zuten ibilgailu baten gainean jartzen ari zirela. Ertzaintzak langile guztiak atera eta instalazioak sokaz hesitu zituen. Anbulantzia bat ere bertaratu zen, eta suhiltzaileek isuria eteteko ardura hartu zuten.