Asteasuko igerilekuko taberna kudeatzeko lehiaketa deitu dute

Tolosaldeko Ataria 2022ko mai. 11a, 15:53

Proposamenak udal bulegoetan aurkeztu ahal izango dira maiatzaren 30a baino lehen. Taberna ekainaren 18tik irailaren 11ra egongo da zabalik.

Asteasuko Udalak udan, igerilekuko taberna kudeatzeko lehiaketaren berri eman du. Taberna zabaltzeko asmoa dute ekainaren 18tik irailaren 11ra arte eta esleipendunak 3 euroko (+BEZ) kanona ordaindu beharko du hilean. Ura, argia eta gasaren kontsumoak bere kontu joango dira.

Taberna kudeatzeko asmoa agertzen duenak elikagaiak manipulatzeko karneta eduki beharko du. Lehiaketaren inguruko informazio gehiago nahi duenak, udal bulegoetan izan dezake, 943 69 19 07 telefonoan. Proposamenak, maiatzaren 30a baino lehen aurkeztu beharko dira udaletxean bertan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!