Asteasun II. Anttine Eguna ospatzen ari dira gaur. Mattin gizarte abenturak, Aboxek eta Patxine tabernak antolatutako ekimena da. Goizean goiz abiatu dute eguna, familiarteko ginkanarekin eta goiz osoan zehar Jatorkin Al-Nahda elkartearen informazio postua egon da kalean.
11:30ean abiatu da ikusmin handia sortu duen desafioa. Usarrabi pilotalekua jendez lepo zela 20 gazte bildu dira lehian. Kirol proba ezberdinak gainditu behar izan dituzte, eta azkenean, herri kirol taldeak batu ditu puntu gehien. Umore onean egin dute goiz pasa eta bertaratutakoen artean hainbat opari zozkatu dituzte antolatzaileek.
Bazkal arteko tartea bertso triki-poteoan pasa dute parte hartzaileek eta arratsaldean ere izango da zer ikusia Asteasun:
- 16:00. Laskotxaranga
- 19:00. Dena taldea
- 20:00. Pez esperma
- 20:30. Parrillada afaltzeko
- 23:30. DJ Sorpresa.
Gainera egun osoan zehar txosna herrikoia jarriko dute eta lortutako dirua Aspanogi elkartearentzat izango da.