Asteasuko haur eta gazteen artean parte hartzeko kultura sustatzeko ekimena da Soka. Herriko erabakietan kontuan hartu nahi dituzte gazteen iritziak eta horretarako udaletik prozesua abiatu zuten duela bi urte. Asteasuko haur eta gazteekin harremana duten eragileek gidatu dute prozesua orain arte, baina hemendik aurrera haiek izango dira protagonista. Usarrabi frontoian ekimenaren jendaurreko aurkezpena egin zuten atzo eta gaztetxoak izan ziren ekitaldia prestatu zutenak.
Jolasak, bideo emanaldiak, kantuak eta dantzak izan ziren tartean eta familiek prestatutako jakiekin biribildu zuten iluntzea.
