Emakumeen Nazioarteko Egunaren bueltan Asteasun antolatu dituzten ekimenekin bukatzeko, herriko emakumeen afaria egingo dute ostiralean, martxoaren 11n, Iturri Ondo jatetxean.
Afariaren prezioa 30 eurokoa da eta bertara joateko sarrerak salgai daude Iturri Ondon eta Mattinen.
Bilera gaur
Herriko festak antolatzeko lehenengo bilera egingo dute gaur Asteasun. Maiatza hasieran izaten dira Santa Krutz festak, San Pedroak ekaina bukaeran eta Santamañakoak uztailean. Guzti horri buruz hitz egiteko, martxoaren 9an, 20:00etan bilduko dira herritarrak udaletxeko ikus-entzunezko gelan.
"Bi urteko hutsunearen ondoren denon artean festa parte hartzaile eta parekide bikainak antolatuko ditugu", esan dute udal ordezkariek.