Profesionalen partida ikusteko aukera izango da bihar, Asteasuko Usabarri frontoian. 21:30ean hasiko da jaialdia, eta lehenbizi afizionatuek jokatuko dute partida. Bertan J. Alberdi eta Aizpuru bikoak Xabier Urbieta eta Urruzola bikoaren aurka jokatuko dute.
Ondoren, Iker Elizegi herritarraren partida izango da, Promozio Mailako Binakako Txapelketaren ligako bigarren jardunaldiari dagokiona. Elizegik Bakaikoa aurrelari duela, Alberdi eta Uriondo izango ditu aurkari. Lehenengo jardunaldian Bakaikoa-Elizegik irabazi egin zuten, eta Alberdi-Uriondok galdu.
Sarrerak 10 euro balioko ditu eta bihar goizez udaletxean erosi ahalko dira eta arratsaldez kultur etxean.