Trikitixa topaketak egingo dituzte Asteasun, ekainaren 25etik 27ra bitartean, 2001 eta 2004 urteen artean jaiotako gaztetxoentzat.
Otabardi aterpetxean bilduko dira parte hartzaileak eta hainbat ikastaro jasoko dituzte. Besteak beste, pandero eta peñaparda ikastaroa eskainiko du Maixa Lizarribarrek eta sorkuntza saioa, berriz, Mikel Urdangarinek. Gainera, Luis Astiazaranek Zizurkilen duen trikiti tailerrera bisita egingo dute gazteek.
Izen emateak maiatzaren 25era arte egin daitezke, trikitixa@trikitixa.eus helbidean. Gazte bakoitzak 120 euro ordaindu beharko ditu topaketan parte hartzeko.